原來都成好幾個月都冇打呢個blog嚕。

呢排發覺呢個世界每日都係度變緊。生活圈子就有人出出入入，當年要好的朋友現在還有機會相會嗎?諗番起琴日約蔡展烽出黎食番餐飯，原來佢都唔得閒囉。我係好失望架，不過亦都諗緊其實自己都會有忙的時候。都唔係所有人要就自己一個。其實朋友在心中是很容易做到的。不過在心中還在心中丫，其實都會掛住ge，聽落好似好肉麻好似搞基咁，不過講真有時都想知下你地d近況。

都係架，2009我都算爛玩左，成日都去玩。老老實實，最初的原因是好驚寂寞呀，好驚冇人陪，好驚亂諗野，好驚諗起我愛的人。都係要搵個方法逃避，點解呀？開心囉，玩完開心架。可以咩都唔記得！亦都因為咁，我生活好似得番返工，放工，飲野，去玩。好似好唔健康咁，不過我都係果怡架，及時行樂。

但係我發覺我都係冇可能365日都係度玩緊，而每一次獨處又或者見到同妳好似ge女仔ge時侯，我又會諗，到底妳呢排點呢？其實真係會擔心。不過真係多撚餘啦。算尻數罷。

今日行開去置樂幫呀kelvin哥整psp，行過一間燒味鋪，我都唔知佢開左幾耐，但係總之我係屯門咁耐佢就開左咁耐啦。但係我話俾你知我係未去過果間度食架。如果突然之間有一日佢執左，我諗我真係會有d後悔我冇去食囉。覺得其實身邊好多野都改變左，但係又有幾多野我係可以捉得住呢？下，原來變左咩？今日先知喎！往往就係咁，時間就係你身邊流過，而事物人生亦同時間一齊改變，要捉得住唔難，但係我做唔到，亦都開始接受唔到。

越諗越開始覺得辛苦，好撚煩。我一路都比較其待可以死係車禍之中架喎，因為可以突然死左，冇哂感覺，又或者可以英雄救美好型咁為左救人而死，哈哈，幻想大師又黎喇。

完